ՄԱԿ-ի գլխավոր քարտուղարն անհանգստություն է հայտնել Դոնբասում հակամարտության սրվելու կապակցությամբ

ՄԱԿ-ի գլխավոր քարտուղար Պան Գի Մունը մտահոգություն է հայտնել է Դոնեցկի օդանավակայանի շրջանում ռազմական գործողությունների սրման կապակցությամբ և պատրաստակամություն է հայտնել աջակցելու խաղաղ գործընթացի վերսկսմանն ուղղված ջանքերը: Այս մասին հայտնել է lenta.ru-ն՝ հղում անելով գլխավոր քարտուղարի հայտարարությունը, որը հրապարակել է ՄԱԿ-ի մամուլի ծառայությունը:

«Գլխավոր քարտուղարն անհանգստացած է Ուկրաինայի արևելքում Դոնեցկի օդանավակայանի նկատմամբ հսկողություն հաստատելու համար պայքարի սրմամբ, որն արդեն հանգեցրել է բազմաթիվ զոհերի և սպառնում է հրադադարի ռեժիմի մասին համաձայնագրի ձախողմանը: Այն կոչ է անում բոլոր կողմերին կատարելու իրենց պարտավորությունները Մինսկի արձանագրության և հուշագրի շրջանակներում և որպես առաջին քայլ՝ անհապաղ և ամբողջովին դադարեցնել ռազմական գործողությունները»,- ասվում է հայտարարության մեջ:

Պան Գի Մունը նաև կոչ է արել «ցանկացած գնով» խուսափել իրավիճակի վատթարացումից և պատրաստակամություն հայտնել աջակցելու «ապաէսկալացմանը և Ուկրաինայի կայունության ու տարածքային ամբողջականության վերականգնման համար խաղաղ գործընթացի վերսկսմանն ուղղված բոլոր ջանքերին»: