Արամ Գաբրիելյանովը վերահսկողության տակ է վերցրել «Բալթյան մեդիախումբը»
Ռուսաստան
«Բալթյան մեդիախմբի» զանգվածային լրատվամիջոցները հանձնվել են News Media հոլդինգի հիմնադիր և գլխավոր տնօրեն Արամ Գաբրիելյանովին: Այդ մասին, ինչպես տեղեկացնում է «Արմենպրես»-ը, «Ինտերֆաքս»-ին հայտնել է «Բալթյան մեդիախմբի» մի աղբյուր:
«Հունվարի 19-ին կայացել է Գաբրիելյանովի հանդիպումը կառավարիչների հետ: Նա խոստացել է, որ մոտ ժամանակներս մեր ռեսուրսների ձևաչափի փոփոխում չի լինի: Բոլոր աշխատակիցները շարունակում են աշխատել նախկին ռեժիմով»,- ասել է գործակալության զրուցակիցը:
Նա նշել է, որ Գաբրիելյանովի ֆինանսական և ստեղծագործական վերահսկողության տակ են անցնում «100TV », «Ռադիո Բալթիկա» հեռուստաալիքները, «Նևա FM» ռադիոկայանը, «Նևսկոյե վրեմյա», «Սմենա», «Վեչեռնի Պետերբուրգ» թերթերը և «Բալտինֆո» նորությունների գործակալությունը:
News Media հոլդինգը կառավարում է LifeNews պորտալը, «Տվոյ դեն» թերթը, Super.ru կայքը, ինչպես նաև «Իզվեստիա» թերթը և «Նորությունների ռուսական ծառայությունը»:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
