Իրանը պատրաստ է նավթի գնի անկմանն ընդհուպ մինչև բարելի դիմաց 25 դոլար
Աշխարհ
Իրանի նավթի ճյուղը բավականաչափ ուժեղ է և կդիմակայի նավթի գների ավելի խորն անկմանը՝ ընդհուպ մինչև բարելի դիմաց 25 դոլար: Այդ մասին, ինչպես տեղեկացնում է «Արմենպրես»-ը, հայտարարել է երկրի նավթի նախարար Բիջան Նամդար Զանգանեն:
«Եթե նավթի գներն իջնեն մեկ բարելի դիմաց մինչև 25 դոլար, դա ոչ մի սպառնալիք չի ներկայացնի Իրանի նավթարդյունաբերության համար»,- ասել է Զանգանեն, որի խոսքը մեջբերում է Bloomberg գործակալությունը:
Իրանը կոնսուլտացիաներ է վարում ՕՊԷՔ-ի անդամ երկրների հետ նավթի գնանշումների կտրուկ անկման հնարավոր շարունակումը կանխելու նպատակով: Միևնույն ժամանակ Իսլամական Հանրապետության նախարարը նշել է, որ նավթային կարտելը մոտ ժամանակներս չի պլանավորում արտահերթ խորհրդակցություն անցկացնել և կրճատել «սև ոսկու» արդյունահանման ծավալը: ՕՊԷՔ-ի անդամների հաջորդ հանդիպումը նախատեսված է հունիսի 5-ին:
ՌԻԱ Նովոստին նշում է, որ Իրանի ընթացիկ տարվա բյուջեում նավթի արժեքը գնահատված է մեկ բարելի դիմաց 40 դոլար՝ ավելի վաղ սահմանված 72 դոլարի փոխարեն:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
