NASA-ն ցուցադրել է պտտվող Պլուտոնի և Խարոնի տեսագրությունը

NASA-ն ցուցադրել է մեկը մյուսի շուրջը պտտվող Պլուտոն թզուկ մոլորակի և դրա արբանյակի՝ Խարոնի տեսագրությունը: Այս մասին, ինչպես տեղեկացնում է «Արմենպրես»-ը, հաղորդել է գործակալության կայքը:

Տեսագրությունն ստացվել է այն նկարահանումների սոսնձման շնորհիվ, որոնք New Horizons կայանը կատարել է 2015 թվականի հունվարի 25-ից մինչև 31-ը: Նկարահանումների առաջին օրն ապարատը գտնվել է Երկրից շուրջ 4,8 միլիարդ կիլոմետր և Պլուտոնից 203 միլիոն կիլոմետր (դա մոտավորապես մեկ երրորդով մեծ է Երկրից մինչև Արեգակ հեռավորությունից) հեռավորության վրա:

Նկարահանումների 6,5 օրվա ընթացքում այն թզուկ մոլորակին մոտ է եղել ութ միլիոն կիլոմետրով: Տեսագրության մեջ Պլուտոնը և Խարոնը զանգվածների ընդհանուր կենտրոնի (որը գտնվում է թզուկ մոլորակից դուրս) շուրջը պտտվում են 6,4 երկրային օրվա պարբերությամբ: Պլուտոնի մյուս չորս մոլորակները տեսագրության մեջ նշմարելի չեն:

2015 թվականի հուլիսի կեսերին NASA-ի New Horizons միջմոլորակային ավտոմատ կայանը պետք է գտնվի Պլուտոնից նվազագույն՝ 12,5 հազար կիլոմետր հեռավորության վրա: New Horizons -ի հիմնական խնդիրն է՝ թզուկ մոլորակի և դրա արբանյակի ուսումնասիրումը: