Ադրբեջանական նավթը կարտահանվի Ռուսաստանի տարածքով

Ադրբեջանի պետական նավթային ընկերությունը, որը երկար ժամանակ խուսափում էր նավթամթերք արտահանել Ռուսաստանի տարածքով, այդ երկրով նավթի արտահանման նոր երթուղի է որոշել:

Ինչպես հաղորդում է «Արմենպրես»-ը, նման սենսացիոն տեղեկություն է հայտնել ադրբեջանական «Թրենդ» լրատվական գործակալությունը' հղում կատարելով սեփական աղբյուրներին:

Գործակալության աղբյուրը նշել է, որ դեռևս հայտնի չէ, թե ռուսաստանյան որ նավահանգստով են արտահանվելու ադրբեջանական նավթամթերքները, և դա կախված է լինելու գնորդներից:

Գործակալության կարծիքով' այս փաստը ևս խոսում է այն մասին, որ Ադրբեջանի և Ռուսաստանի միջև հարաբերությունները գնալով ավելի են սերտանում: