Պայքարը դրամատիկ ստացվեց. Կլոպը՝ գավաթի խաղարկությունում տարած հաղթանակի մասին
Սպորտ
Դորտմունդի «Բորուսիայի» գլխավոր մարզիչ Յուրգեն Կլոպը, անդրադառնալով Գերմանիայի գավաթի խաղարկության քառորդ եզրափակչում «Հոֆենհայմի» նկատմամբ հաղթանակին, նշել է, որ խաղը բավականին դրամատիկ է ստացվել:
Հիշեցնենք, որ հանդիպումն ավարտվել էր 3:1 հաշվով, դորտմունդցիները հաղթանակ էին կորզել լրացուցիչ ժամանակում:
«Մենք փոքր-ինչ լավն էինք և հասանք արդյունքի: Խաղը շատ լարված էր: Հիանալի է, որ Կելը դարձավ հանդիպման հերոսը, պայքարը դրամատիկ ստացվեց: Թիմը կարողացավ վերականգնվել «Բավարիային» պարտվելուց հետո: Կարծում եմ՝ երկրպագուները մեզ ներեցին «Բավարիայից» կրած պարտության համար»,- Կլոպի խոսքը մեջբերում է դորտմունդյան թիմի պաշտոնական կայքը:
Նշենք, որ կկիսաեզրափակչի վիճակահանությունը տեղի է ունենալու ապրիլի 9-ին, իսկ հանդիպումները՝ ապրիլի 28-29-ը:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
