Հնդկաստանում բեռնատարը բախվել է ուղևորատար գնացքին. կան զոհեր

Հնդկաստանի հարավ-արևելքում բեռնատարը բախվել է մարդատար գնացքին, հայտնում է Business Standart-ը:

Միջադեպը տեղի է ունեցել Անդհրա-Փրադեշի նահանգում: Բեռնատարի վարորդը հարվածել է ուղևորատար գնացքին, ինչի հետևանքով հինգ ուղևոր զոհվել է, ավելի քան 20 մարդ վիրավորվել: 

Հաղորդվում է, որ բեռնատարի վարորդը կորցրել է մեքենայի կառավարումը և հարվածել Բանգալոր-Նանդեդ երթուղով ընթացող գնացքին: Դրանից հետո ռելսերից դուրս է ընկել երկու վագոն: Բեռնատարի վարորդը տեղում մահացել է: