Յացենյուկը և Պորոշենկոն միլիոնավոր դոլարներով տեղեր էին վաճառում Գերագույն Ռադայում

Ուկրաինայի վերջին խորհրդարանական ընտրություններում Գերագույն Ռադայի տեղերը գործարարները գնում էին 3 մլն դոլարից մինչև 10 մլն դոլարով: Նման հայտարարությամբ գերմանական Der Spiegel պարբերականին տված հարցազրույցում հանդես է եկել Թոմաշ Ֆիալան` Ուկրաինայում Եվրոպական բիզնես ասոցիացիայի ղեկավարը, ով սկսած 1990-ական թվականներից ապրում է Կիևում: «Եվրամայդանի» իրադարձությունների ժամանակ նա եղել է ցուցարարների թվում:

Վերջին խորհրդարանական ընտրություններում իրենց կուսակցությունների առաջին շարքերում Արսենի Յացենյուկը և Պյոտր Պորոշենկոն առաջադրել են «լավ թեկնածուների». բարի համբավ ունեցող պատերազմի հերոսներին ու ակտիվիստներին, սակայն ավելի ուշ ընտրական ցուցակներում շատ գործարարներ են հայտնվել: 

«Հասկանալի է, որ Ուկրաինայում միշտ էլ այդպես է եղել, իսկ ես ցանկանում էի, որպեսզի Մայդանից հետո այդ ամենն ավարտվի», - ընդգծել է Ֆիալան:

Նրա խոսքով` Յացենյուկը և Պորոշենկոն գնացել են դրան, որպեսզի ֆինանսավորեն իրենց նախընտրական արշավները: