Դավթաշեն վարչական շրջանի աշխատակազմի պատվիրակությունն այցելել է ԼՂՀ

 Երևանի քաղաքապետ Տարոն Մարգարյանի նախաձեռնությամբ մայրաքաղաքի վարչական շրջանների և ԼՂՀ շրջանների միջև ձևավորված համագործակցության ծրագրի շրջանակում Դավթաշեն վարչական շրջանի ղեկավարի աշխատակազմի ներկայացուցիչները հերթական անգամ այցելել են ԼՂՀ:

Պատվիրակության անդամները եղել են ԼՂՀ Քաշաթաղի շրջանի Աղանուս գյուղի միջնակարգ դպրոցում, որը կրում է «Սասունցի Դավիթ» ջոկատի կազմում մարտնչած, դավթաշենցի զոհված ազատամարտիկ Արսեն Հակոբյանի անունը: Դավթաշեն վարչական շրջանի ղեկավար Ռուսլան Բաղդասարյանի անունից դպրոցին են տրամադրվել դահլիճի նստարաններ, դասասեղաններ, գրատախտակներ, շինանյութ' դպրոցի խորդանոցի վերանորոգման աշխատանքնե րը կազմակերպելու համար, իսկ աշակերտներին' հագուստ և գրենական պիտույքներ:

Դավթաշենի պատվիրակությունը եղել է նաև Ստեփանակերտ և Մարտակերտ քաղաքների քաղաքապետարաններում: Սոցիալական և կրթական ոլորտի պատասխանատուների հետ հանդիպման ընթացքում քննարկվել են հետագա համագործակցությանն առնչվող հարցեր: