Գրիպից մեկ օրում բուժող դեղամիջոց է թողարկվելու Ճապոնիայում
Գիտություն և Մշակույթ
Ճապոնիայի դեղագործական ընկերություններից մեկը մտադիր է 2018 թվականին թողարկել աշխարհում առաջին դեղամիջոցը, որն ընդունակ է մարդուն գրիպից բուժել ընդամենը մեկ օրվա ընթացքում, տեղեկացնում է «Արմենպրես»-ը:
Նոր դեղը, ի տարբերություն գոյություն ունեցող անալոգների, կանխում է գրիպի վիրուսի տարածումը և սպանում այն: Պատրաստուկը խոչընդոտում է այն ֆերմենտների միացումը վիրուսին, որոնք անհրաժեշտ են դրա բազմացման համար: Դրա շնորհիվ վերջնական ապաքինման համար բավական կլինի պատրաստուկի մեկօրյա օգտագործումը:
Ինչպես հայտնել է «Նիկեյ» թերթը, դեղամիջոցն արդեն առաջին կլինիկական փորձարկումներն է անցել Ճապոնիայում և ցույց է տվել իր արդյունավետությունը: Երկրորդ փուլը կսկսվի նոյեմբերին, երբ կտրուկ աճում է գրիպով հիվանդացածների թիվը: Պատրաստուկը կփորձարկվի արդեն մի քանի հարյուր հիվանդների վրա:
Ճապոնիայի առողջապահության նախարարությունը պատրաստուկի արդյունավետության և անվտանգության վերջնական հաստատումից և դրա լիցենզավորման հետ կապված ընթացակարգերից հետո հնարավոր է համարում դրա վաճառքն սկսել արդեն 2018 թվականին, հաղորդել է ՌԻԱ Նովոստին:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
