Ուրիշ երկրի գործերի մեջ իր քիթը խոթելու ևս մեկ փորձ ԱՄՆ-ի կողմից

Հայաստանում ԱՄՆ դեսպանատունն իր ֆեյսբուքյան էջում ներկայացրել է, թե ինչպես է ԱՄՆ-ի նախագահ Բարաք Օբաման հաշվետվություն ներկայացնում Կոնգրեսին երկրում իրավիճակի մասին: Դեսպանատունն ավելացրել է, որ դա շատ օգտակար սովորույթ է և հռետորական հարց ուղղել՝ իսկ կա՞ արդյոք նման բան Հայաստանում:

Ինքնին արդեն պարզ է հարցի նպատակը, որ ԱՄՆ-ն ուզում է ընդունված այս կարգը ներդնել նաև Հայաստանում և այդպիսով Հայաստանի իշխանություններին ակնարկ է անում:

Անկախ նրանից, թե ինչ է իրենից ներկայացնում ԱՄՆ-ի ուզածը, լավ բան է դա, թե՝ վատ, օգտակար կլինի դա մեզ, կբարձրացնի երկրի կառավարման արդյունավետությունը, թե՝ ոչ, կա մի հանգամանք, որ Հայաստանն անկախ և ինքնիշխան պետություն է, և ԱՄՆ-ն չէ, որ իր դեսպանատան միջոցով պետք է մեզ թելադրի, թե մենք մեր երկրում ինչ անենք և ինչպես կառավարենք մեր երկիրը:

Նման հարցեր կարող են բարձրացնել ՀՀ քաղաքացիները, ցանկացած մարմին ՀՀ-ում, բայց ոչ օտար պետության ներկայացուցիչը:

Ահա ուրիշ երկրի գործերի մեջ իր քիթը խոթելու ևս մեկ փորձ ԱՄՆ-ի կողմից:

Իսկ պատկերացնում ե՞ք՝ նման բան Ռուսաստանի դեսպանատունը ասեր... Հիմա արդեն ԵՄ-ի դրոշներով բողոքի երթը դեպի դեսպանատուն կազմակերպել էին...

Կարեն Վարդանյան