Թուրքիան հայտարարել է Իրաքի հետ վիզային ռեժիմի խստացման մասին

Թուրքիայի իշխանություններն իրենց երկրի տարածք մուտք գործելու նոր կարգ են սահմանել Իրաքի քաղաքացիների համար, հաղորդում է RNS-ը՝ հղում անելով Անկարայի ԱԳՆ-ին:

Այսուհետ իրաքցիները կկարողանան մեկնել Թուրքիա միայն մուտքի արտոնագրերով, որոնք կտրվեն երկրի դեսպանատներում: Նախկինում նրանք մուտքի իրավունք ստանալու հնարավորություն են ունեցել սահմանին:

Ինչպես հայտարարել են Անկարայում, այդ միջոցները կապված են ապօրինի միգրացիայի դեմ պայքարի հետ: