ԵՄ-ից Մեծ Բրիտանիայի դուրս գալու կողմնակիցների թիվը շարունակում է աճել

Եվրամիությունից Մեծ Բրիտանիայի դուրս գալու կողմնակիցների թիվը վերջին շաբաթներին անշեղորեն աճում Է, եւ ներկայում եվրոսկեպտիկներն արդեն զգալի գերակշռություն ունեն իրենց ընդդիմախոսների նկատմամբ: Այդ մասին, ինչպես տեղեկացնում Է «Արմենպրես»-ը, վկայում են ICM ընկերության կողմից հասարակական կարծիքի առցանց հարցման հրապարակված արդյունքները, որոնք ակտիվորեն քննարկում են տեղական ԶԼՄ-ները:

Ընկերության տվյալներով՝ այժմ բրիտանացիների միայն 41 տոկոսն Է հաստատակամորեն հանդես գալիս ԵՄ-ին երկրի անդամակցությունը պահպանելու օգտին այն դեպքում, երբ իրենց եվրոսկեպտիկների շարքին Է դասում հարցվածների արդեն 42 տոկոսը: Մնացած հարցվածները մինչ այժմ չեն ճշտել իրենց դիրքորոշումը եւ, փորձագետների ու ԶԼՄ-ների կարծիքով, հենց նրանց ձայները վճռորոշ կդառնան առաջիկա հանրաքվեում:

Անցած շաբաթ IGM-ի անցկացրած հարցումը ցույց Էր տվել, որ բրիտանացիների 52 տոկոսը ցանկանում Է մնալ ԵՄ-ում, եւ միայն 48 տոկոսն Է մտադիր քվեարկել միությունից դուրս գալու օգտին: Միեւնույն ժամանակ, YouGov սոցիոլոգիական ծառայության տվյալներով, հանրակցությանը անդամակցությունը դադարեցնելու կողմնակիցներն առջեւից են ընթանում 45 տոկոս առ 36 տոկոս հարաբերակցությամբ:

Բրյուսելի հետ հարաբերությունների բարեփոխման հարցը պետք Է քննարկվի ԵՄ-ի առաջիկա գագաթնաժողովում եւ, հավանության արժանանալու դեպքում, կնպաստի ԵՄ-ին Մեծ Բրիտանիայի հետագա անդամակցության հարցի շուրջ հանրաքվեն առաջիկա ամռանն անցկացնելուն, հաղորդել Է ՏԱՍՍ-ը: