Թող կանայք հանգստանան, տղամարդիկ՝ աշխատեն. վարչապետը կատակեց, բայց ընդունեց՝ Մարտի 8-ը ոչ աշխատանքային օր է

Այսօր կառավարության հերթական նիստում կառավարության աշխատակազմի ղեկավար-նախարար Դավիթ Հարությունյանն առաջարկեց կանանց միջազգային օրը՝ Մարտի 8-ը ոչ աշխատանքային օր դարձնել:

Մարտի 5,6, 7, 8-ը կլինի ոչ աշխատանքային, բայց մարտի 7-ի փոխարեն աշխատանքային օր է դառնում մարտի 12-ը:

ԼՈւՐԵՐ.com-ի տեղեկացմամբ՝ այս փոփոխության վերաբերյալ վարչապետն առարկություններ ուներ և դիմեց կառավարության անդամներին՝ հարցի վերաբերյալ կարծիքներ արտահայտելու համար, սակայն վերջիններս ոչ մի առարկություն չունեին.

«Ոնց որ դեմ չեք, հա՞»,- դիմելով կառավարության անդամներին՝ ասաց վարչապետն ու կատակեց. «Դե ուրեմն՝ թող կանայք հանգստանան, տղամարդիկ՝ աշխատեն»:

Կառավարությունն ընդունեց նախագիծը: