«Ռեալն» ամեն տարի մարզիչ է փոխում, իսկ «Բարսելոնան» շարունակում է հաղթել. Բենիտես

Մադրիդի «Ռեալի» նախկին գլխավոր մարզիչ Ռաֆաել Բենտեսը անդրադաձել է «Բարսելոնայի» հետ մրցակցությանը և նշել.

«Իսպանիայում ստիպված ես լինում պայքարել «Բարսելոնայի» դեմ, որը իր խաղաոճն ունի: «Ռեալը», սակայն ամեն տարի մարզիչ է փոխում և ամեն ինչ սկսում է նորից: Հենց այդ պատճառով էլ, կատալոնացիները վերջին 7 տիտղոսներից 5-ը նվաճել են: «Բարսելոնան» հաղթել է երկու անգամ ավելի շատ տիտղոս, քան մադրիդցիները` ներկայիս նախագահի ղեկավարման շրջանում: Կարծում եմ պատճառը կայունությունն ու հետևողականությունն է, որոնք հաջողության առանցքային գործոններն են:

Պերեսը բիզնեսի տեսակետից հիանալի աշխատանք է կատարել: «Ռեալը» որպես բիզնես նախագիծ պետք է զարգանար և դա նրա մոտ ստացվեց: Ֆուտբոլային տեսանկյունից խնդիրը նրանում է, որ կատալոնացիները շարունակում են հաղթել: Պերեսը փորձում է ինչ-որ բան փոխել, լուծումներ է փնտրում, բայց «Բարսելոնան» ինչպես հաղթում էր, այդպես էլ շարունակում է հաղթել», - Բենիտեսի խոսքը մեջբերում է The Guardian-ը: