Շուտով Էյֆելյան աշտարակը կպայթեցնեն. փորձագետ

Արևմտյան ԶԼՄ-ները հաղորդել են այն մասին, որ «Իսլամական պետություն» խմբավորումը շուրջ 500 գրոհային է պատրաստել՝ Եվրոպայում ահաբեկչական հարձակումներ իրականացնելու համար: Նրանք միասնական խմբերով ժամանում են փախստականների հոսքի հետ՝ բաշխվելով Գերմանիայում, Մեծ Բրիտանիայում, Իտալիայում, Դանիայում և Շվեդիայում:

Շաբաթ օրը Գերմանիայի արդարադատության նախարար Հայկո Մաասը զգուշացրել է, որ հարձակումները հնարավոր են նաև Գերմանիայում, չնայած այնտեղ հիմա անվտանգության լրացուցիչ միջոցներ են ձեռնարկված:

Բրյուսելում տեղի ունեցած հարձակումները վկայում են, որ Եվրոպան ծայրահեղականների համար այլևս արտաքին տարածք չէ, որտեղ նրանք պարբերաբար արշավներ են կատարում: Այն պլացդարմ է, որտեղ նրանք իրենց պարտիզանական պատերազմն են անցկացնում: Ողբերգությունից հետո՝ Բելգիան արձագանքել է ԻՊ-ի դեմ պայքարում ԱՄՆ-ի գլխավորած կոալիցիային միանալու որոշմամբ: ԵՄ-ն որոշել է ավելի սերտորեն համագործակցել ահաբեկչության դեմ պայքարի հարցերում: Սակայն, նման արձագանքը վերջին 15 տարվա ընթացքում հաջորդում է Եվրոպայում տեղի ունեցած յուրաքանչյուր ահաբեկչական հարձակմանը:

«Նրանք շատ կարևոր քայլ են կատարել, հատկապես՝ ֆրանսիացիները: Էյֆելյան աշտարակը ներկել են բելգիական դրոշի գույներով: Եթե այսպես շարունակվի, նրանք ժամանակ առ ժամանակ կներկեն այն եվրոպական այլ երկրների դրոշների գույներով: Եթե աշտարակը չպայթեցնեն»,- ասել է իսրայելական «Նատիվ» հատուկ ծառայությունների ղեկավար Յակով Կեդմին:

Նոր ահաբեկչական հարձակումները ժամանակի հարց են: Նրանում, որ Բրյուսելի օդանավակայանում պայթյունը տեղի է ունեցել American Airlines-ի և ամերիկյան դեսպանատան մոտ գտնվող կայարանում, շատերը թափանցիկ ակնարկ են տեսել՝ կհասնենք Արևմտյան աշխարհի մյուս սյունին նույնպես, որում իսլամիստները գլխավոր չարիքն են տեսնում: