EgyptAir-ի ահաբեկիչը Լիբիայից եկած փախստական է (ֆոտո)

Եգիպտական լրատվական հեռուստաալիքի եթերում  նոր տվյալներ են հաղորդվել EgyptAir ավիաընկերության ինքնաթիռի զավթիչի մասին, ով Իբրահիմ Սամահա անունով մի տղամարդ է: Ճշգրտված տեղեկատվության համաձայն՝ նա Լիբիայից եկած փախստական է:

Տղամարդը զավթած օդանավով պատրաստվում էր հասնել թուրքական օդանավակայաններից մեկը, սակայն վառելիքի պահուստը թույլ չի տվել նրան հասենլ Բոսֆորի ափերին, այսպիսով օդաչուները ստիպված են եղել վայրէջք կատարել Կիպրոսում:

Հայտնվելով Թուրքիայում՝ նա ծրագրում էր տեղահանվածի կարգավիճակ ստանալ, ինչը թույլ կտար նրան հետագայում եվրոպական երկրներից մեկը տեղափոխվել:

Եգիպտոսի Ալեքսանդրիա քաղաքից Կահիրե մեկնող EgyptAir ավիաընկերության ուղևորատար ինքնաթիռն անհայտ անձանց կողմից գրավվել է: Տեղեկությունը հաստատել է ավիաընկերության խոսնակը: Նա տեղեկացրել է, որ առևանգողները պահանջել են վայրէջք կատարել Կիպրոսում: Ինքնաթիռն արդեն վայրէջք է կատարել Կիպրոսի Լառնակայի օդանավակայանում:

Ուղևորատար ինքնաթիռում գտնվող ահաբեկիչը զինված է մահապարտի գոտիով: 

Վերջին տվյալներով՝ ինքնաթիռում չորս օտարերկրացի և անձնակազմի անդամներ կան:

#IbrahimSamaha onboard the #EgyptAir flight pic.twitter.com/jxuARxxdhU

— Rachel McArthur (@raychdigitalink) 29 марта 2016 г.