Եգիպտական օդանավն առևանգող տղամարդը քաղաքական ապաստան է խնդրում Կիպրոսում

Եգիպտական օդանավն առևանգող տղամարդը եգիպտացի է՝ Իբրահիմ Սամահը։ Նա խնդրում է իրեն տրամադրել թարգմանիչ և քաղաքական ապաստան, հայտնում է Sky News-ը։

ԶԼՄ-ների փոխանցմամբ՝ տղամարդը կարող էր անձնական դրդապատճառներ ունենալ, քանի որ նախկին կինը գտնվում է Կիպրոսում։

Ներկայումս օդանավում մնում են 4 օտարերկրացիներ և անձնակազմի անդամները, մնացած բոլոր ուղևորներն ազատ են արձակվել։

«Ալ-Արաբիայի» փոխանցմամբ՝ տղամարդը սկզբում օդաչուից պահանջել է ուղևորվել Ստամբուլ, սակայն օդաչուն մերժել է վառելիքի սղության պատճառով։