Քերիի քեյսի գաղտնիքը բացահայտված է
Աշխարհ
Ռուսաստանի արտաքին գործերի նախարարի տեղակալ Սերգեյ Ռյաբկովը պատասխանել է մի քանի օր շարունակ լրագրողներին մտահոգող հարցին, թե ինչ էր գտնվում ԱՄՆ պետքարտուղար Ջոն Քերիի խորհրդավոր կարմիր ճամպրուկում՝ Մոսկվա կատարած այցի ժամանակ, հայտնում է ՏԱՍՍ-ը:
Դիվանագետի խոսքով՝ քեյսում փաստաթղթեր են եղել՝ Ռուսաստանի արտաքին գործերի նախարար Սերգեյ Լավրովի և ՌԴ նախագահ Վլադիմիր Պուտինի հետ բանակցությունների համար: Ռյաբկովը նշել է, որ չի կարող ավելի ստույգ ասել:
Քերին եղել է Մոսկվայում մարտի 23-24-ին: Ռուսաստան ժամանելուն պես նա ինքնաթիռից դուրս է եկել մի խորհրդավոր քեյսով՝ հրաժարվելով ասելուց, թե ինչ է այնտեղ:
Կարմիր քեյսը կատակների և անհավանական ենթադրությունների առարկա է դարձել: Մասնավորապես, Պուտինը հեգնանքով ենթադրել է, որ ԱՄՆ-ում ոչ ոք չի օգնում պետքարտուղարին ճամպրուկը տանելու հարցում, կամ նա գումար է բերել «առանցքային հարցերի շուրջ բանակցելու համար»: Քերին սուր պատասխան է տվել՝ նշելով, որ ճամպրուկի պարունակությունը կզարմացնի Ռուսաստանի նախագահին:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
