Սի Ցզինպինը և Օբաման քննարկել են Կորեայի, վիճելի կղզիների և միջուկային անվտանգության հարցերը

ՉԺՀ-ի նախագահ Սի Ցզինպինն ԱՄՆ-ի նախագահ Բարաք Օբամայի հետ կայացած հանդիպման ընթացքում հայտարարել է, որ բոլոր շահագրգիռ կողմերը պետք է ձեռնպահ մնան այնպիսի գործողություններից, որոնք կարող են հանգեցնել Կորեական թերակղզում լարվածության սաստկացման, տեղեկացնում է «Արմենպրես»-ը:

«Չինաստանը հանդես է գալիս այն բանի օգտին, որ բոլոր կողմերը ձեռնպահ մնան ամեն կարգի գործողություններից և հռետորաբանությունից, որոնք կարող են լավածության շիկացման հանգեցնել Կորեական թերակղզու շրջանում»,- ՉԺՀ-ի նախագահի հայտարարությունը մեջբերում են Չինաստանի զանգվածային լրատվամիջոցները: Նա հանդես է եկել Կորեական թերակղզու միջուկազերծման և այդ հինախնդրի շուրջը վեցակողմ բանակցությունների վերսկսման օգտին:

Սի Ցզինպինը նաև նշել է, որ Չինաստանը չի հրաժարվի Հարավչինական ծովում իր շահերից և կպաշտպանի իր ինքնիշխանությունն այն կղզիների հարցում, որոնց նկատմամբ հավակնություններ ունեն նաև տարածաշրջանի մի շարք երկրներ:

Չինաստանը և ԱՄՆ-ը տարածել են բանակցությունների արդյունքներին նվիրված համատեղ հայտարարություն, որում երկու կողմերն ասում են, որ կհամագործակցեն միջուկային մաքսանենգության կանխարգելման բնագավառում՝ թույլ չտալու, որ միջուկային զենքը հայտնվի ահաբեկիչների ձեռքում:

Հանդիպումը կայացել է Վաշինգտոնում ընթացող միջուկային անվտանգության գագաթնաժողովի շրջանակներում, հաղորդել է «Ինտերֆաքս»-ը: