Օբաման ու Օլանդը «ռազմավարական որոշումներ» են քննարկել ԻՊ-ի դեմ պայքարում
Աշխարհ
ԱՄՆ-ի և Ֆրանսիայի նախագահներ Բարաք Օբաման և Ֆրանսուա Օլանդը մարտի 31-ին Վաշինգտոնում կայացած հանդիպմանը քննարկել են ռազմավարական որոշումներ, որոնց մշակումը պահանջում է «Իսլամական պետություն» ահաբեկչական խմբավորման դեմ պայքարը, տեղեկացնում է «Արմենպրես»-ը:
Միջուկային անվտանգության միջազգային գագաթնաժողովի շրջանակներում անցկացված բանակցությունների ավարտին ելույթ ունենալով լրագրողների առջև՝ ԱՄՆ-ի ղեկավարը հավաստիացրել է, որ ինքը Ֆրանսիայի իր պաշտոնակցի հետ աներկմտորեն հանդես է գալիս ԻՊ-ի ոչնչացման օգտին: Ֆրանսիան ԱՄՆ-ի «հանգուցային գործընկերն է» Իրաքում և Սիրիայում ԻՊ-ի դեմ ուղղված ռազմարշավում, նշել է Օբաման:
Նա նաև հայտարարել է, որ ԱՄՆ-ը «շարունակում է Ֆրանսիայի հետ խորացնել գործընկերությունը ահաբեկչական ջանքերի շուրջ»:
Իր կողմից Ֆրանսիայի նախագահն ասել է, որ «իսլամիստների ահաբեկչության արմատները գտնվում են Սիրիայում և Իրաքում»: «Հետևաբար մենք պետք է գործենք Սիրիայում և Իրաքում»,- նշել է Օլանդը:
«Ռաքան նպատակակետ է» ԻՊ-ի դեմ գործողության մեջ, «և մենք պետք է աջակցենք բոլոր այն ուժերին», որոնք կռվում են ահաբեկչական այդ կազմակերպության դեմ, ներառյալ նախ և առաջ «այդ ուղղությամբ գործող արաբական ուժերը և քրդերի ուժերը», հավելել է Օլանդը, հաղորդել է ՏԱՍՍ-ը:
ՈՒՂԻՂ ԵԹԵՐ
Ամենադիտված 
Մահացել է բժիշկ Տիգրան Վարդանյանը
