Պակիստանում տեղատարափ անձրեւներից զոհված մարդկանց թիվը գերազանցել է 90-ը

Առնվազն 92 մարդ Է զոհվել, եւս 77-ը՝ տուժել տեղատարափ անձրեւների հետեւանքով առաջացած հեղեղումներից եւ սողանքներից, որոնք մի քանի օր առաջ պատուհասել Էին Պակիստանի հյուսիսարեւմտյան մասի Հայբեր-Պահտունհվա նահանգը: Այդ մասն, ինչպես տեղեկացնում Է «Արմենպրես»-ը, հայտնել Է «Սինհուա» գործակալությունը՝ հրատարակելով տեղի իշխանությունների տվյալները:

Տարերքի հարվածից քանդվել Է առնվազն 929 տուն, ինչպես նաեւ մի քանի կամուրջ: Խոշոր քաղաքներ միացնող ավտոմոբիլային ճանապարհներից մի քանիսը փակվել են սողանքների հետեւանքով: Նահանգում արտակարգ դրություն Է հայտարարված: Ավելի վաղ հայտնել Էին 63 զոհվածների մասին:

Պակիստանի վարչապետ Նավազ Շարիֆը ցավակցություն Է հայտնել զոհվածների ընտանիքներին, նշում Է գործակալությունը: Իշխանությունները շարունակում են օգնություն ցուցաբերել տուժածներին:

Օդերեւութաբանների կանխատեսումներով՝ երկրի հյուսիս-արեւմուտքում անձեւների ժամանակաշրջանը մոտենում Է ավարտին, հաղորդել Է ՏԱՍՍ-ը: