Խոշոր հրդեհ է բռնկել Բաթումի կահույքի ձեռնարկությունում

Ապրիլի 7-ի առավոտյան խոշոր հրդեհ է բռնկել Բաթումի կահույքի արտադրության և պահպանման ձեռնարկությունում: Այդ մասին, ինչպես տեղեկացնում է «Արմենպրես»-ը, հայտնել է Վրաստանի Հանրային հեռուստատեսությունը, որը սյուժե է ներկայացրել Բաթումից: Հրդեհը մոլեգնում է ձեռնարկության 3-4 հազար քառակուսի մետր տարածքում:

Պատահարի վայրում աշխատում են 12 հրշեջ հաշվարկներ, որոնք բռնկման օջախների տեղափակման և մերձակա շենքեր կրակի տարածումը կանխելու աշխատանքներ են կատարում: Ինչպես նշվում է, շենքի մերձակայքում ներկերի պահեստ է գտնվում, հաղորդել է ՏԱՍՍ-ը: