Պուտինն ու Նազարբաևը հեռախոսազրույցի ընթացքում քննարկել են ԼՂ հարցը

Ռուսաստանի Դաշնության նախագահ Վլադիմիր Պուտինը Ղազախստանի նախագահ Նուսուլթան Նազարբաևի հետ ունեցած հեռախոսազրույցի ընթացքում քննարկել է Լեռնային Ղարաբաղում ստեղծված իրավիճակը և ներկայացրել Հայաստանի ու Ադրբեջանի ղեկավարների հետ ունեցած իր հեռախոսազրույցների արդյունքները:

Ինչպես հաղորդում է «Արմենպրես»-ը' վկայակոչելով Կրեմլի պաշտոնական կայքը, ՌԴ նախագահը Նազարբարևին տեղեկացրել է նաև ռուսական կողմի ձեռնարկած միջնորդական ջանքերի մասին, այդ թվում՝ ՌԴ վարչապետի, արտաքին գործերի և պաշտպանության նախարարների մակարդակով:

Քննարկվել է նաև Եվրասիական տնտեսական միության բարձր և բարձրագույն մակարդակում տեղի ունենալիք հանդիպումների ժամանակացույցը: