Թուրքիան զենք է մատակարարում «Ալ Նուսրա» ահաբեկչական խմբավորմանը
Աշխարհ
Թուրքիան շարունակում է զենք մատակարարել տարածաշրջանում ակտիվ գործունեություն ծավալած «Ալ Նուսրա» իսլամիստական ահաբեկչական խմբավորմանը:
Այս մասին, ինչպես հաղորդում է «Արմենպրես»-ը' վկայակոչելով ռուսաստանյան ԶԼՄ-ները, հայտարարել է Ռուսաստանի Դաշնության գլխավոր շտաբի անդամ Սերգեյ Ռուդսկոյը:
«Թուրքիան ԱՄՆ-ի վերահսկողության տակ գտնվող տարածքների վրայով զենք է մատակարարում «Ալ Նուսրա»-ին»,- ասել է Ռուդսկոյը:
Նա ասել է, որ չնայած հայտարարված զինադադարին, Թուրքիան վերջ չի դրել «Ալ Նուսրա»-ին զենքի մատակարարմանը և նրա մարտիկների հովանավորմանը:
Նշելով, որ «Իսլամական պետության» (ԻՊ) հետ համագործակցող ջիհադական կազմակերպությունները շարունակում են Հալեպի մոտ գտնվող Շեյխ Մաքսուդ և Զագրա քաղաքների վրա հարձակումները, Ռուդսկոյն ասել է, որ եթե այդ հարձակումները հաջողություն ունենան, ապա Սիրիայի հյուսիսը կհայտնվի դժվար վիճակում:
Sputnik-ը հայտնում է, որ դրա հետ միասին, Ռուսաստանը հայտարարել է, որ Հալեպի ամբողջությամբ ազատագրման հետ կապված ծրագիր դեռևս չունեն:
ՈՒՂԻՂ ԵԹԵՐ
Ամենադիտված 
Մահացել է բժիշկ Տիգրան Վարդանյանը
