Սիրիայում ևս մեկ ադրբեջանցի է ոչնչացվել (լուսանկար)
Աշխարհ
Սիրիայում «Իսլամական պետություն» (ԻՊ) ահաբեկչական խմբավորման կազմում կառավարական ուժերի դեմ կռվող ևս մեկ ադրբեջանցի մոջահեդ է ոչնչացվել:
Այս մասին, ինչպես հաղորդում է «Արմենպրես»-ը, հայտնում է azvizion.az լրատվական կայքը:
Երեկ երեկոյան Հալեպի հարավում Սիրիայի կառավարական ուժերը ջախջախիչ հարվածներ են հասցրել ԻՊ-ի կազմում կռվող ջիհադական խմբավորումների դիրքերին, որոնց հետևանքով ոչնչացվել է նաև Աբու Ալի Ազերի (Էլշան) մականունով Ադրբեջանի քաղաքացի մոջահեդը: Վերջինս Սիրիա է մեկնել երեք տարի առաջ ԻՊ-ի ևս մեկ անդամ, Ադրբեջանի քաղաքացի Ռուստամ Աքերովի (ԱսԳերով) հետ և այնտեղ ամուսնացել սիրիացի կնոջ հետ, որից երկու երեխա ունի, հայտնում է ադրբեջանական կայքը:
Ադրբեջանական ԶԼՄ-ներն ավելի վաղ հայտնել էին, որ ներկայում Սիրիայում ԻՊ-ի կազմում կառավարական ուժերի դեմ կռվում են Ադրբեջանի 300-ից ավելի քաղաքացիներ: Սիրիայում ներքին պատերազմի սկզբից մինչ այժմ ոչնչացվել են ԻՊ-ի կազմում կռվող Ադրբեջանի 200-ից ավելի քաղաքացիներ:
ՈՒՂԻՂ ԵԹԵՐ
Ամենադիտված 
Ավտոմեքենայում հայտնաբերվել է առողջապահության նախկին նախարար, վիրաբույժ Գագիկ Ստամբուլցյանի մարմինը
