NYT-ն «գրեթե հրապարակել է» Պորոշենկոյի հետ կեղծ հարցազրույց

Աշխարհահռչակ The New York Times պարբերականը «գրեթե հրապարակել է» կեղծ հարցազրույց Ուկրաինայի նախագահ Պյոտր Պորոշենկոյի հետ, սակայն վերջին պահին հրաժարվել է այդ գաղափարից:

«Կեղծ ձևաթղթի վրա ներկայացրել էին իրենց գործակալների հեռախոսահամարներն ու էլեկտրոնային փոստի հասցեները, բանակցություններ են վարել, և հեռախոսով նույնիսկ հարցի «պատասխանը» հնչեցրել: Իրական մամուլի ծառայությունում լրագրողները ստուգել են ձայնագրության իսկությունը, և կեղծ հարցազրույցը չի հայտնվել էջերում», - ասել է Պորոշենկոյի մամլո խոսնակ Սվյատոսլավ Ցեգոլկոն:

Նա նաև նշել է, որ Պյոտր Պորոշենկոյի կեղծ հարցազրույցի մեջ ներգրավված են ռուսական հատուկ ծառայությունները, բայց թե հատկապես որոնք՝ չի հստակեցրել: