Հարավային Կորեայում իշխող կուսակցությունը պարտվել է

Կորեայի Հանրապետությունում կառավարող «Սենուրի» կուսակցությունը պարտություն է կրել խորհրդարանական ընտրություններում: Ինչպես տեղեկացնում է «Արմենպրես»-ը, բոլոր քվեաթերթիկների հաշվման արդյունքում նրա ներկայացուցիչները վերջին 16 տարվա ընթացքում առաջին անգամ կորցրել են մեծամասնությունը Ազգային ժողովում՝ ստանալով 300 տեղերից միայն 121-ը:

«Տոբուրո» գլխավոր ընդդիմադիր Դեմոկրատական կուսակցությունը 123 տեղ է ապահովել խորհրդարանում, Ժողովրդական կուսակցությունը՝ 39, Արդարության կուսակցությունը՝ 6, անկախ պատգամավորները՝ 11 տեղ»,- նշում է Կենտրոնական ընտրական հանձնաժողովը: Ավելի վաղ «Սենուրին» 146 պատգամավոր ուներ Ազգային ժողովում: Այժմ ընդդիմությունը մեծամասնություն է դարձել, ինչը կարող է լուրջ խնդիրներ ստեղծել նախագահ Պակ Կին Հեի համար, որն ավելի վաղ վայելում էր կառավարող կուսակցության անվերապահ աջակցությունը:

«Սենուրիի» ներկայացուցիչ Ան Հեն Հվանը հայտարարել է, որ կուսակցությունը «ընդունում է ընտրությունների արդյունքները» եւ հնարավոր ամեն ինչ կանի ընտրողների վստահությունը վերանվաճելու համար, հաղորդել է ՏԱՍՍ-ը: