Ալիևն ու Մամեդյարովը հանդիպել են ղրիմցի թաթարների առաջնորդների հետ. ֆոտոփաստ

Ադրբեջանի նախագահ Իլհամ Ալիևն ու արտգործնախարար Էլմար Մամեդյարովը Ստամբուլում հանդիպել են ղրիմցի թաթարների առաջնորդներ Մուստաֆա Ջեմիլևի և Ռեֆաթ Չուբարովի հետ:

Ինչպես հաղորդում է «Արմենպրես»-ը, հանդիպումը փաստող լուսանկարը հրապարակել է Ղրիմաթաթարական մեջլիսի «նախագահ» Ռեֆաթ Չուբարովի բլոգում:

Լուսանկարում երևում է, որ Իլհամ Ալիևը Էլմար Մամեդյարովի հետ զրուցում են Մուստաֆա Ջեմիլևի և Ռեֆաթ Չուբարովի հետ:

Ուկրաինական ԶԼՄ-ներն օրերս հայտնել են, որ համացանց թափանցած գաղտնի փաստաթղթերի համաձայն՝ ուկրաինական հատուկ ծառայությունների աշխատակիցները երկար ժամանակի ընթացքում հետևել են Ղրիմում թաթարների մեջլիսի առաջնորդ Մուստաֆա Ջեմիլևի գործունեությանը և եզրակացության հանգել, որ նա աշխատում է թուրքական հետախուզության օգտին և սպառնալիք է ներկայացնում ազգային անվտանգությանը:

Այդ գաղտնի նյութերի համաձայն՝ անվտանգության ծառայությունը համարում է, որ բոլորը հիմքերն ունի Ջեմիլևին որպես «թուրքական հատուկ ծառայությունների ազդեցության գործակալ» կասկածելու գծով հետաքննություն անցկացնելու համար այն բանից հետո, երբ նա և Ղրիմի ադրբեջանական համայնքի ղեկավար Ռահիմ Հումբաթովը 2013 թվականին ակտիվորեն առաջ են տարել գերմանացի ֆաշիստների հետ համագործակցելու համար 1944 թվականին կղզուց ղրիմցի թաթարների արտաքսումը «ցեղասպանություն» ճանաչելու մասին օրինագիծ:

Ենթադրվում է, որ Ուկրաինայի դատախազությունը մոտ ժամանակում դատական գործ կհարուցի Ղրիմի ինչպես ադրբեջանական համայնքի ղեկավար Ռահիմ Հումբաթովի, այնպես էլ ղրիմցի թաթարների առաջնորդ Մուստաֆա Ջեմիլևի դեմ:

Ռուսաստանյան ԶԼՄ-ներն ավելի վաղ հայտնել էին, որ Ղրիմի Հանրապետության խորհրդարանը լուծարել է ղրիմաթարական մեջիսը: