«Ադրբեջան-Վրաստան-Թուրքիա» կամուրջը կարևոր է էլեկտրաէներգիայի արտահանման համար. Ադրբեջանի էներգետիկայի նախարար

Ներկայումս ընթացքի մեջ են «Ադրբեջան-Վրաստան-Թուրքիա» էներգետիկ կամրջի ստեղծման աշխատանքները, որը մեծ հեռանկարներ է բացում երկրում արտադրվող էլեկտրաէներգիայի արտահանման տեսանկյունից: Այդ մասին ասված է Ադրբեջանի էներգետիկայի նախարար Նատիգ Ալիևի հրապարակած հոդվածում. փոխանցում է Trend լրատվական գործակալությունը:

Նախարարը գրում է, որ վերջին 10 տարում երկրում կառուցվել են ժամանակակից տեխնոլոգիաներով աշխատող նոր էլեկտրակայաններ, ինչի շնորհիվ Ադրբեջանում էլեկտրաէներգիայի արտադրության համակարգի հզորությունը վերջին 5 տարում աճել է 30 տոկոսով՝ հասնելով 7149 մեգավատտի:

2015 թվականին Ադրբեջանում էլեկտրաէներգիայի արտադրությունը կազմել է ավելի քան 22.5 միլիարդ կվտ/ժամ, որից 2.1 միլիարդ կվտ/ժամն արտահանվում է: