Վրաստանում կարող են ազատ արձակվել 65-ից բարձր տարիքի կալանավորները

Վրաստանում 65-ից բարձր տարիքի կալանավորները կարող են ազատ արձակվել, եթե խորհրդարանը հաստատի «Համաներման մասին» օրինագիծը, որի նախաձեռնողը «Ազգային համաժողով» ընդդիմադիր խմբակցությունն Է:

Ընդդիմադիրներն առաջարկում են բանտարկությունից ազատել 70-ից բարձր տարիքի տղամարդկանց և 65-ն անց կանանց, եթե նրանք դատապարտված չեն սպանության, մարմնական ծանր վնասվածքներ հասցնելու, միջուկային նյութերի, թմրամիջոցների և ահաբեկչության հետ կապված հանցագործությունների համար:

Համաներումը կվերաբերի նրանց, ում մեղավոր չեն ճանաչել կտտանքների, միջազգային հումանիտար իրավունքի նորմերի դեմ հանցագործություններ կատարելու, բանտից փախուստի և Վրաստանի պետսահմանի անօրինական հատման մեջ:

«Համաներման մասին» օրենքն ուժի մեջ կմտնի, եթե խորհրդարանն այն հաստատի երեք ընթերցմամբ, ինչպես նաև այն ստորագրի նախագահը:

2015 թվականի վերջի դրությամբ Վրաստանի բանտերում պատիժ Էին կրում 50-ից բարձր տարիքի ավելի քան 1,9 հազար կալանավորներ, հաղորդել Է Sputnik-ը: