Թրամփը և Քլինթոնն ամրապնդեցին առաջատարի իրենց դիրքը փրայմերիզներում
Աշխարհ
Հանրապետական կուսակցությունից ԱՄՆ-ի նախագահի պաշտոնի հավակնորդ Դոնալդ Թրամփը հաղթանակ է տարել հինգ նահանգներում՝ Քոննեքտիկուտում, Դելավերում, Մերիլենդում, Փենսիլվանիայում և Ռոդ Այլենդում, կայացած փրայմերիզներում, տեղեկացնում է «Արմենպրես»-ը՝ հղում անելով CBS News-ին:
Դեմոկրատների փրայմերիզներում, ըստ նախնական տվյալների, ԱՄՆ-ի նախկին պետքարտուղար Հիլարի Քլինթոնը հաղթանակ է տարել Դելավերում, Քոննեքտիկուտում, Մերիլենդում և Փենսիլվանիայում: Նրա մրցակիցը՝ Վերմոնտի նահանգից սենատոր Բեռնի Սանդերսը, հաղթել է Ռոդ Այլենդում:
Այսպիսով, Թրամփը կարող է ակնկալել համագումարի պատվիրակների 937 ձայներ այն դեպքում, երբ նրա գլխավոր մրցակիցը՝ Թեքսասի նահանգից սենատոր Թեդ Քրուզը՝ 555: Երաշխավորված առաջադրման համար անհրաժեշտ է ապահովել 1237 պատվիրակների աջակցությունը:
Դեմոկրատ Քլինթոնը կարող է ակնկալել 2110 ձայն, Սանդերսը՝ 1255: Երաշխավորված առաջադրման համար հարկավոր է 2383 պատվիրակների աջակցությունը:
Հուլիսին Դեմոկրատական և Հանրապետական կուսակցությունները կանցկացնեն համազգային համագումարներ, որտեղ կառաջադրվեն նախագահի նրանց թեկնածուները: Նախագահական ընտրությունները նշանակված են 2016 թվականի նոյեմբերի 8-ին:
ՈՒՂԻՂ ԵԹԵՐ
Ամենադիտված 
Ողբերգական դեպք՝ Երևանում
