Դավութօղլուի դեմ մահափորձ էր ծրագրվում

«Իսլամական պետություն» ահաբեկչական խմբավորման զինյալները Թուրքիայի Քոնյա նահանգում պլանավորել էին ահաբեկչություն իրականացնել երկրի վարչապետ Ահմեթ Դավութօղլուի դեմ։ Այդ մասին գրում է Milliyet թերթը՝ հղում անելով Թուրքիայի իրավապահ մարմիններին, տեղեկացնում է ANN.az-ը:

Քոնյայում անցկացված հատուկ գործողության ընթացքում ձերբակալվել է ԻՊ-ի 9 անդամ, նրանց թվում կին կա:

Հարցաքննության ընթացքում պարզվել է, որ հարձակումը պետք է տեղի ունենար անցյալ շաբաթ՝ Դավութօղլուի այցի ընթացքում: Սակայն անվտանգության խիստ միջոցառումների շնորհիվ ԻՊ-ի անդամները չեն կարողացել մտնել հրապարակ, որտեղ ելույթով էր հանդես եկել վարչապետը։