Լրագրողը երեք ամիս ապրել է հարձակում նախապատրաստող ահաբեկչական բջջում

Ֆրանսիայից մի լրագրող «Ալլահի զինվորները» վավերագրական ֆիլմ նկարահանելու համար, կարողացել է երեք ամսով ահաբեկիչների «որջ» ներխուժել, որում պատրաստում էին մահապարտների և մարդասպանների: Այդ մասին հաղորդում է «ՌԻԱ Նովոստին»:

Նշվում է, որ լրագրողն օգտագործել է Սաիդ Ռամզի կեղծանունը:

«Իմ նպատակն էր հասկանալ, թե ինչ է կատարվում իրենց գլխում»,- ասել է լրագրողը:

Ըստ նրա՝ խմբավորման մեջ ապրում են միայն մոլորված, շփոթված, սուիցիդալ հակումով, մանիպուլյացիայի հեշտ ենթարկվող երիտասարդներ: Լրագրողը նրանց գտել է սոցիալական ցանցերի միջոցով, իսկ հետո անընդհատ եղել է ճամբարում:

Որոշ ժամանակ անց նրան գիշերային ակումբի վրա հարձակման հրահանգ են տվել: Նախքան պլանը կյանքի կոչելը՝ խումբը ձերբակալվել է իրավապահ մարմինների աշխատակիցների կողմից, նրանց ծրագրերի իրականացումը խոչընդոտվել է:

«Ալլահի զինվորները» վավերագրական ֆիլմը Ֆրանսիայում հեռարձակվելու է երկուշաբթի օրը: Ֆիլմը պատմում է ճամբարում կյանքի և երիտասարդ ահաբեկիչների մասին: