Հալեպում ականապատ ավտոմեքենա է պայթել. կան զոհեր և վիրավորներ

Հալեպի Ջամաիյաթ ազ-Զահրա թաղամասում ահաբեկիչները պայթեցրել են ականապատ ավտոմեքենա, խաղաղ բնակչության շրջանում կան զոհեր և շատ վիրավորներ: Այս մասին ՌԻԱ «Նովոստի»-ն հայտնել է Հալեպի աշխարհազորայինների աղբյուրը:

«Ահաբեկիչների կողմից ականապատ ավտոմեքենայի պայթեցման հետևանքով Ջամաիյաթ ազ-Զահրայում հզոր պայթյուն է որոտացել, բնակիչների շրջանում կան զոհեր և շատ վիրավորներ, թիվը պարզել դեռ բարդ է»,- ասել է գործակալության զրուցակիցը: