Թրամփը վստահ է, որ կհաղթի Քլինթոնին նախագահական ընտրություններում
Աշխարհ
Միլիարդատեր Դոնալդ Թրամփը հայտարարել է, որ վստահ է ԱՄՆ-ի նախագահի նոյեմբերին կայանալիք ընտրություններում Հիլարի Քլինթոնի նկատմամբ հաղթանակ տանելու հարցում, տեղեկացնում է «Արմենպրես»-ը:
Թրամփը փաստորեն մայիսի 4-ին ապահովել է Հանրապետական կուսակցությունից նախագահի թեկնածու առաջադրվելը այն բանից հետո, երբ նրա միակ լուրջ մրցակիցը՝ Թեդ Քրուզը, հայտարարեց, որ դուրս է գալիս պայքարից: Քլինթոնն առայժմ չի ապահովել իր առաջադրումը Դեմոկրատական կուսակցությունից, բայց անվերապահ ֆավորիտն է սենատոր Բեռնի Սանդերսի հետ պայքարում:
«Մենք գնում ենք Հիլարիի դեմ»,- հայտարարել է Թրամփն իր կողմնակիցներին: «Մենք կհաղթենք, մենք կհաղթենք նոյեմբերին: Մենք մեծ հաղթանակ կտանենք: Ամերիկան առաջին տեղում կլինի»,- հավելել է նա:
Թրամփը շնորհակալություն է հայտնել Թեդ Քրուզին այն բանի համար, որ նա դուրս եկավ պայքարից: «Նա դժոխային մրցակից է, նա պինդ, խելացի տղա է: Այդ տղան հիանալի ապագա ունի»,- ասել է Թրամփը:
Հանրապետականների ընտրարշավում մնում է Օհայոյի նահանգապետ Ջոն Քեյսիկը, բայց նա ունի ընդամենը 156 պատվիրակի ձայն այն դեպքում, երբ Թրամփին աջակցում են 1043, իսկ Քրուզին՝ 572 պատվիրակ, հաղորդել է ՌԻԱ Նովոստի գործակալությունը:
ՈՒՂԻՂ ԵԹԵՐ
Ամենադիտված 
Ողբերգական դեպք՝ Երևանում
