Օբաման խմել է արճիճային աղտոտվածությամբ ջուր (տեսանյութ)

ԱՄՆ նախագահ Բարաք Օբաման այցելել է Միչիգան նահանգի Ֆլինթ քաղաք, որը բախվել էր ջրմուղային ջրում բարձր պարունակությամբ արճիճի խնդրի առջև, հայտնում է Chicago Tribune-ը։

Օբաման քաղաքի բնակիչներին խոստացել է բոլոր մակարդակների ղեկավարության աջակցությունը և ընդգծել, որ խմելու ջրի անվտանգության ապահովումը կառավարության պարտականությունն է։

Միջոցառման ժամանակ լրագրողներից մեկը հարցրել է, թե Օբաման անձամբ կխմի՞ այդ ջրից։ Նախագահը նշել է, որ սովորաբար խուսափում է գովազդային հնարքներից, սակայն վերցրել է բաժակն ու խմել։ Նա հավելել է, որ ֆիլտրի կիրառման դեպքում ջուրը միանշանակ լիովին պիտանի է խմելու համար։

Փետրվարի սկզբին հայտնի էր դարձել, որ FBI-ը հետաքննություն է սկսել քաղաքի ջրում արճիճի առկայության գործով։ Մինչ այդ ԱՄՆ շրջակա միջավայրի պահպանության հարցերով գործակալության ղեկավարը հրաժարական էր տվել՝ կապված Ֆլինթ քաղաքում տիրող բնապահպանական ճգնաժամի հետ։