Մոսկվան ջանքեր է գործադրում Հալեպում «լռության ռեժիմի» ամրապնդման համար. Զախարովա
Աշխարհ
Մոսկվան ջանքեր է գործադրում, որպեսզի Սիրիայի Հալեպ քաղաքում «լռության ռեժիմը» հուսալիորեն ամրապնդվի, բայց ԱՄՆ-ն ի վիճակի չէ Սիրիայում իր կողմից աջակցվող ընդդիմադիր խմբավորումներին հարկադրել սահմանազատվելու «Ջեբհաթ ան նուսրայից»: Այդ մասին, ինչպես տեղեկացնում է «Արմենպրես»-ը, մայիսի 6-ի ճեպազրույցի ժամանակ հայտարարել է ՌԴ-ի ԱԳ նախարարության պաշտոնական ներկայացուցիչ Մարիա Զախարովան:
«Ռուսաստանը Սիրիայի աջակցության միջազգային խմբի համանախագահի հետ համակարգմամբ ջանքեր է գործադրում, որպեսզի Հալեպում հուսալիորեն տարածվի «լռության ռեժիմը», որը վերջին օրերին իրեն դրականորեն է դրսևորել Հյուսիսային Լաթաքիայում և Արևելյան Գութայում»,- ասել է Զախարովան:
Սակայն, նրա խոսքով՝ «խնդիրն այն է, որ մեր ամերիկացի գործընկերներն առայժմ ի վիճակի չեն իրենց կողմից աջակցվող սիրիական ընդդիմադիր խմբավորումներին հարկադրել սահմանազատվելու «Ջեբհաթ ան նուսրայից»:
«Ըստ որում «Ջեբհաթ ան նուսրայի» ահաբեկիչներն այդ կազմակերպությունները և դրանց անդամներին օգտագործում են նոր արյունալի սադրանքների համար»,- նշել է Զախարովան, հաղորդել է ՌԻԱ Նովոստին:
ՈՒՂԻՂ ԵԹԵՐ
Ամենադիտված 
Ողբերգական դեպք՝ Երևանում
