Պուտինը Հայաստանի ղեկավարությանը շնորհավորել Է Հաղթանակի 71-րդ տարեդարձի առթիվ

Ռուսաստանի նախագահ Վլադիմիր Պուտինը Հայաստանի, Ադրբեջանի, Բելառուսի, Ղազախստանի, Ղրղզստանի, Մոլդովայի, Տաջիկստանի, Թուրքմենստանի, Ուզբեկստանի Աբխազիայի, Հարավային Օսիայի ղեկավարներին, ինչպես նաև Վրաստանի և Ուկրաինայի քաղաքացիներին շնորհավորել Է Հայրենական մեծ պատերազմում տարած Հաղթանակի 71-րդ տարեդարձի առթիվ:

Ինչպես տեղեկացնում Է «Արմենպրես»-ը՝ հղում անելով ՌԴ նախագահի մամուլի ծառայությանը, շնորհավորական ուղերձներում ընդգծվում Է, որ Հաղթանակի օրը սրբազան տոն Է, որն ընդմիշտ կմնա որպես հերոսության ու ժողովուրդների միասնության խորհրդանիշ, որոնք արյունահեղ մարտերում պաշտպանեցին հարազատ հողը և աշխարհը փրկեցին ֆաշիզմից:

Պուտինը հատկապես նշել Է, որ չի կարելի թույլ տալ ընդհանուր պատմության վերանայում, անցյալի ողբերգական իրադարձությունների կրկնվելը: «Մեր ընդհանուր պարտքն Է՝ խնամքով պահպանել Հայրենական մեծ պատերազմում ընկածների պայծառ հիշատակը, ամեն կերպ հոգ տանել ներկայումս ապրող վետերանների մասին»,- նշել Է ՌԴ նախագահը:

Նա վստահություն Է հայտնել, որ համատեղ պայքարի ընթացքում կոփված բարեկամության և եղբայության կապերն այսուհետև Էլ հիմք կծառայեն միջպետական հարաբերությունների հետևողական ամրապնդման համար, կնպաստեն եվրասիական տարածքում ինտեգրացիոն գործընթացների զարգացմանը:

Վլադիմիր Պուտինն անկեղծ շնորհակալության խոսքեր Է փոխանցել պատերազմի բոլոր վետերաններին ու թիկունքի աշխատավորներին, մաղթել նրանց քաջ առողջություն և երկար կյանք: