Բեն Լադենի որդու կոչը իսլամիստներին

Ուսամա բեն Լադենի որդին արմատական իսլամիստներին կոչ է արել գնալ Սիրիա և սերտացնել մոջահեդների շարքերը՝ ջիհադի իրականացման համար։ Այս մասին հայտնում է The Daily Mirror-ը։

Ձայնագրության մեջ 23-ամյա Համզա բեն Լադենը հայտարարել է, որ իսլամական ումման (ազգը) պետք է կենտրոնանա Սիրիայում ջիհադի վրա։

Նրա խոսքով՝ այլևս գոյություն չունի արդարացում նրանց համար, ովքեր շարունակում են անիմաստ վեճեր վարել և մասնատել միասնական մուսուլմանական հանրությունը, երբ «ողջ աշխարհը միավորվում է ընդդեմ իսլամի»։