ՌԴ-ի ու ՆԱՏՕ-ի միջև հակամարտություններից խուսափելու համար` Լեհաստանն առաջարկում է ուժեղացնել ԵԱՀԿ դերը

Rուս և արևմտյան զինվորականների միջև վտանգավոր միջադեպերը կանխելու համար`Լեհաստանն առաջարկում է ուժեղացնել ԵԱՀԿ դերը։ Այս մասին հայտնում է Kommersant-ը։

Այն պատճառով, որ վերջին շրջանում վտանգավոր իրավիճակները հաճախակիացել են, ԵԱՀԿ անդամ երկրները պետք է ստանձնեն հավելյալ պարտավորություններ։ ԱՄՆ ռազմաօդային ուժերը վերջին շաբաթներին էականորեն մեծացրել են հետախուզական ինքնաթիռների թռիչքները Բալթյան ծովի հարավային մասում։ Այժմ ամերիկյան այդ օդանավերը պարբերաբար հայտնվում են ռուսական սահմանների մոտ, ընդ որում՝ բավականին տևական ժամանակ։ Ռուսաստանն ունի զսպման անհրաժեշտ միջոցներ՝ գրում է պարբերականը՝ հղում անելով ՊՆ աղբյուրին։

Նման միջադեպերը կարող են հեշտությամբ դառնալ «անհարկի առճակատման աղբյուր», այդ իսկ պատճառով պետք է անել ամեն ինչ՝ ռիսկերը կրճատելու համար՝ պարբերականին պատմել է Վիեննայում միջազգային կազմակերպություններում Լեհաստանի մշտական ներկայացուցիչ Ադամ Բուգայսկին։

Լեհական իշխանությունների կարծիքով՝ ԵԱՀԿ բոլոր անդամները պետք է ստանձնեն պարտավորություն՝ խուսափելու համար ցանկացած գործողություններից, որոնք կարող են հանգեցնել վտանգավոր ռազմական միջադեպերի։ Բացի այդ, ինչպես առաջարկում է Վարշավան՝ ԵԱՀԿ-ին կից պետք է ստեղծվի հատուկ հանձնաժողով, որը կհետաքննի վտանգավոր դրվագները։

Լեհական առաջարկությունների համահեղինակներ են դարձել 7 երկրներ, որոնց անունները չի նշվում։ Լեհաստանն ակնկալում է, որ իր առաջակները կընդունվեն մինչև տարեվերջ՝ գրում է պարբերականը։