Թրամփը վիրավորվել է իր հասցեին Լոնդոնի քաղաքագլխի «կոպիտ արտահայտություններից»
Աշխարհ
Ամերիկացի միլիարդատեր Դոնալդ Թրամփը վիրավորված Է Լոնդոնի նոր քաղաքագլուխ Սադիք Խանի արած արտահայտություններից, որն նրան մեղադրել Է «իսլամի վերաբերյալ տգիտության» մեջ: Այս մասին, ինչպես տեղեկացնում Է «Արմենպրես»-ը, Հանրապետական կուսակցությունից ԱՄՆ-ի նախագահի թեկնածու առաջադրվելու հավակնորդը հայտարարել Է ITV հեռուստաալիքին տված հարցազրույցի ժամանակ, որի ամբողջական տարբերակը եթեր Է տրվել մայ իսի 16-ին:
«Երբ նա հաղթեց, ես նրան հաջողություն մաղթեցի: Այժմ ես նրա հետ գործ չունեմ: Ինձ համար միեւնույն Է»,- նշել Է Թրամփը: Ըստ որում հաղորդավարի այն հարցին, թե նա վիրավորված Է արդյոք Խանի խոսքից, ամերիկացի քաղաքական գործիչը դրական պատասխանել Է տվել: «Այո՛: Որովհետեւ նա չի ճանաչում ինձ, նա երբեք չի հանդիպել ինձ հետ, նա ոչինչ չգիտե իմ մասին: Ես կարծում եմ, որ դրանք շատ կոպիտ հայտարարություններ Էին: Եվ, անկեղծ ասած, նրան ասեք, որ ես հիշելու եմ այդ հայտարարությունները, շատ տհաճ հայտարարությունները»,- հավելել Է Թրամփը:
Ավելի վաղ Խանը, որը դարձել Է Մեծ Բրիտանիայի մայրաքաղաքի պատմության մեջ առաջին մահմեդական քաղաքապետը, The Time հանդեսում հրապարակված հարցազրույցում քննադատել Էր Թրամփի դիրքորոշումը, որն առաջարկել Է ԱՄՆ մահմեդականների մուտքի լիակատար արգելք սահմանել, հաղորդել Է ՏԱՍՍ-ը:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
