Էրդողանին «վախկոտ հիմար» անվանելը թույլատրելի է համարել Գերմանիայում դատարանը

Համբուրգի դատարանն անթույլատրելի է ճանաչել Թուրքիայի նախագահ Ռեջեփ Թայիփ Էրդողանի մասին գերմանացի հաղորդավար և երգիծաբան Յան Բյոմերմանի սկանդալային բանաստեղծության մեծ մասը: Սակայն «վախկոտ հիմար Էրդողանը նախագահ է» բառերը դատապարտելի չեն համարվել: Այս մասին հայտնում է Spiegel-ը:

Թույլատրելի են համարվել բանաստեղծության այն մասերը, որոնցում խոսվում է «Թուրքիայում խոսքի ազատության նկատմամբ Էրդողանի վերաբերմունքի մասին»: Միաժամանակ, դատարանը հավանություն է տվել ձևակերպմանը՝ «նա տղամարդ է, որը ծեծում է աղջիկներին և միաժամանակ ռետինե դիմակ կրում»: Որոշում ընդունելիս հետաքննությունը հաշվի է առել, որ խոսքը քաղաքական երգիծանքի մասին է: Սակայն բանաստեղծության տողերի մեծ մասը չեն բավարարել իրավապահներին, հատկապես՝ «սեռական հարաբերությունների» մասին տողերը:

Դատից հետո Թուրքիայի նախագահի փաստաբանը գոհ է մնացել դրա արդյունքից: Իսկ Բեերմանի պաշտպանն ասել է, որ խոսքերը բանաստեղծության «կոնտեքստից հանվել են», և դա հանգեցրել է այդ ստեղծագործության ոչ ճիշտ գնահատման:

Գերմանացի երգիծաբան Յան Բյոմերմանը մարտի վերջին ZDF հեռուստաալիքի եթերում երգիծական բանաստեղծություն էր կարդացել Էրդողանի մասին՝ նրան մեղադրելով այծերի հետ սեռական հարաբերություն ունենալու մեջ և ենթադրություն հայտնել, որ նա «մանկական պոռնո է նայում, երբ խփում է քրդերին»:

Դրանից հետո Էրդողանն անձամբ դիմել էր գերմանական Մայնց քաղաքի դատախազություն: Բյոմերմանին ձերբակալել էին և հետաքննություն սկսել, քանի որ, ԱԳՆ-ի գնահատմամբ, բանաստեղծը, «ամենայն հավանականությամբ», խախտել է օրենքը, որն արգելում է վիրավորել օտար պետությունների ղեկավարներին: