«Թալիբան»-ն ընտրել է իր նոր առաջնորդին
Աշխարհ
Աֆղանստանում «Թալիբան» արմատական շարժման նոր առաջնորդ է դարձել Մուլավի Հայբաթուլա Ախունզադան, տեղեկացնում է «Արմենպրես»-ը:
Ախթար Մանսուրի զոհվելուց հետո զինյալների թափուր մնացած առաջնորդի պաշտոնին հավակնում էր մի քանի մարդ: Նրանցից ամենաարմատականը համարվում էր Սիրաջուդին Հաքանին: Արդյունքում Հաքանին դարձել է նոր պարագլխի տեղակալներից մեկը, խորհուրդը (շուրան) երկրորդ օգնական է նշանակել մոլլա Յաղուբին՝ շարժման նախկին առաջնորդ մոլլա Օմարի (սպանվել է 2013 թվականի ապրիլին) որդուն:
Ախթար Մանսուրը զոհվել է մայիսի 21-ին: Ամերիկյան անօդաչուն նրա ավտոմեքենան գնդակոծել է Պակիստանի տարածքում: «Թալիբան»-ի ներկայացուցիչներն իրենց առաջնորդի մահը հաստատել են միայն մի քանի օր հետո:
«Թալիբան»-ն իսլամիստական շարժում է, որը 1994 թվականին ծնունդ է առել Աֆղանստանում: 2003 թվականին ՄԱԿ-ի Անվտանգության խորհուրդը խմբավորումը ճանաչել է ահաբեկչական:
Մոտավորապես մեկ տարի առաջ թալիբներն ակտիվ մարտեր են ծավալել՝ փորձելով գրավել Աֆղանստանի խոշոր քաղաքները: Նրանց հսկողության տակ է գտնվում, մասնավորապես, Կունդուզ քաղաքը երկրի հյուսիսում, ինչպես նաև մարտերը շարունակվում են Ղազնիի՝ Քաբուլից հարավ-արևմուտք ընկած նահանգի վարչական կենտրոնի համար, հաղորդել է ՌԻԱ Նովոստին:
ՈՒՂԻՂ ԵԹԵՐ
Ամենադիտված 
Ո՞րն է սիրված արտիստ Արտաշես Ալեքսանյանի մահվան պատճառը. հայտնի են մանրամասներ
