EgyptAir-ի աղետից հետո Airbus-ն առաջարկում Է ինքնանետվող «սև արկղեր» օգտագործել

Airbus ընկերությունն առաջարկել Է օգագործել «սեւ ակղեր», որոնք կարող են աղետի դեպքում ինքնանետվել ինքնաթիռից՝ վերացնելով դժվարին որոնումների անհրաժեշտությունը: Այսօր այս մասին հայտնել Է Reuters գործակալությունը՝ վկայակոչելով ընկերության գլխավոր ինժեներին:

Գործակալության տվյալներով՝ Airbus-ում նշում են, որ մայիսի 19-ին Միջերկրական ծովում Եգիպտոսի EgyptAir ընկերության հանրանավի կործանումը ևս մեկ փաստարկ Է ինքնաթիռների այս տիպի ինքնագրիչների օգտին:

«Եթե մենք ինքնանետվող «սև արկղեր» ունենայինք՝ շատ ավելի հեշտ կլիներ դրանք գտնելը»,- մեջբերում Է գործակալությունն ընկերության ինժեներական ապահովման գծով փոխնախագահի հայտարարությունը, ով նաև հավելել Է, որ Airbus-ն արդեն աշխատում Է դրա վրա:

Ինչպես նշում Է գործակալությունը՝ ինքնանետվող «սև արկղերն» աղետի դեպքում կանջատվեն ինքնաթիռի պոչամասից և կմնան ջրի մակերեւույթին՝ տալով աղետի ազդանշան, հաղորդել Է ՏԱՍՍ-ը: