ՌԴ կառավարությունը որոշեց մեղմացնել պարենամթերքի բռնարգելքը

ՌԴ-ի կառավարությունը մեղմացրել Է պարենային Էմբարգոյի ռեժիմը տավարի մսի, թռչնամսի և բանջարեղենի համար, որոնք օգտագործվելու են մանկական սննդի արտադրության համար, տեղեկացնում Է «Ինտերֆաքս»-ը:

Այդ արտադրանքի ներկրումը թույլատրվում է գյուղատնտեսական նախարարության կողմից դրա նպատակադրման հաստատման դեպքում: Թույլատրված ներկրման կարգը և ծավալը նույնպես սահմանում է ագրարային գերատեսչությունը:

ՌԴ-ում պարենային Էմբարգոն 2014 թվականի օգոստոսի 7-ից գործում Է ԱՄՆ-ից, ԵՄ-ից, Ավստրալիայից, Նորվեգիայից և Կանադայից մատակարարվող ապրանքների նկատմամբ: 2015 թվականին այն երկարացվել է մինչեւ 2016 թվականի օգոստոսի 5-ը: 2015 թվականի օգոստոսի 13-ից այդ երկրների ցուցակում ներառվել են հակառուսական պատժամիջոցներին միացած Ալբանիան, Չեռնոգորիան, Իսլանդիան, Լիխտեյնշտեյնը, 2016 թվականի հունվարի 1-ից՝ Ուկրաինան:

Արգելքը տարածվում է մսի և մսամթերքի, ձկան և ձկնամթերքի, կաթի և կաթնամթերքի, բանջարեղենի և մրգերի վրա:

Ներկայում ՌԴ կառավարությունը փաստաթղթեր Է պատրաստում մինչև 2017 թվականի վերջը պարենային էմբարգոն երկարացնելու վերաբերյալ: