Դամասկոսում կայացել է սիրիացի ռեժիսորի՝ «Դատարանը կտա պատասխանը» ֆիլմի պրեմիերային ցուցադրումը

Սիրիացի նշանավոր ռեժիսոր Նեջդեթ Անզորը, չնայած պատերազմին և տնտեսական շրջափակմանը, չի թուլացնում աշխատանքի տեմպերը: Ազգային կինեմատոգրաֆի ֆավորիտն այս տարի նոր ֆիլմ Է նկարահանել «Դատարանը կտա պատասխանը» անվանմամբ: Պրեմիերային ցուցադրմանը ներկա եղած Սիրիայի մշակույթի նախարար Մուհամեդ ալ Ահմեդն այն որակել է «մեծագույն գլուխգործոց»։

Ինչպես պատմել Է «Ալ Վաթան» թերթը, ֆիլմում գլխավոր իրադարձությունները ծավալվում են Հալեպի կենտրոնական բանտում զինված ընդդիմության կազմավորումների կողմից երկրի այս խոշորագույն պատժիչ հաստատության պաշարման պահին: Առավելագույնս ճշմարտացի վերարտադրված մթնոլորտի և դերասանական հզոր կերպարների օգնությամբ Անզորը ցույց Է տալիս, թե ինչպես են իրենց պահում մարդիկ այդ օրհասական պայմաններում:

Պաշարված տանջարաններից ճշմարտությունն Է հնչում հակամարտության մասին, սիրիացիների քաղաքացիական դիրքորոշման մասին, որոնք պաշտպանում են իրենց երկրում ազատ ապրելու և նրա ապագան որոշելու իրավունքը:

«Ըստ իս, սա ամենաբարձր մակարդակի հոգեբանական կինոնկար Է: Սա լավագույնն Է, ինչը նկարահանվել Է սիրիական կինոարվեստի ողջ պատմության ընթացքում»,- ֆիլմին այս գնահատականն Է տվել մշակույթի նախարարը:

«Ազգային մշակույթը պետք Է հակազդի կրոնական ատելությանը, որը տարածվում Է նրանց կողմից, ովքեր ահաբեկիչներին են ուղարկում Սիրիա»,- ընդգծել Է ալ Ահմեդը:

Պատասխան խոսքում Անզորը կոչ Է արել իր գործընկերներին՝ «կինոխցիկը որպես զենք օգտագործել և թշնամուն ջախջախել գեղարվեստական միջոցներով»: Նա հայտնել Է, որ նկարահանումներին բազմաթիվ երիտասարդների Է ներգրավել թատերական ինստիտուտի շրջանավարտներից:

«Ֆիլմը նկարահանվել Է 300 կենդանի վկայությունների՝ մարդկանց հիշողությունների հիման վրա, որոնք վերապրել են բանտի 13-ամսյա պաշարումը»,- նշել Է ռեժիսորը, հաղորդում Է ՏԱՍՍ-ը: