Խորվաթիան վաճառում է իր կղզիները

Վերջին 14 տարում Խորվաթիան վաճառել է Ադրիատիկ ծովում իր հինգ կղզին: Այդ մասին հայտնել է Սերբիայի Tanjug գործակալությունը:

«Տակավին մեկ տասնամյակ առաջ Խորվաթական կղզիների եւ կղզյակների վաճառքի հնարավորությունն ընկալվում Էր որպես աղետալի եւ խայտառակ վաճառք»,- հիշեցնում է հրատարակությունը: Չնայած այն երկյուղներին, թե այս ամբողջ բնական հարստությունը կգնեն օտարերկրացի միլիարդատերերը, «արդյունքներն առանձնապես չեն տպավորում. ընդամենը հինգ կղզի` 14 տարում»,- հավելել է գործակալությունը:

Առաջինների թվում 2002 թվականին վաճառվել է Սմոկվիցա կղզին 1,1 միլիոն եվրոյով:

«2000 թվականին Ֆրաշկեր եւ Ֆրաշկերիչ կղզիները վաճառվել են ռուսաստանցի մագնատ Վլադիմիր Եվտուշենկովի ֆիրմային, իսկ 2005 թվականին Յակլյան կղզյակը 6 միլիոն եվրոյով վաճառվել է Գորան Շտրոկին: Իսկ մի հյուրանոցի մասնավորեցման գործընթացում գնորդը դրա հետ փաթեթում ստացել է Կյանքի կղզին Մալոստոնի ծոցում»,- հիշեցնում է Tanjug-ը:

Գործակալությունը նշում է, որ Ադրիատիկ ծովի խորվաթական կողմում 1244 կղզի եւ կղզյակ կա, որոնցից մայն 65-ն են բնակեցված: Ըստ որում` պետության սեփականություն են խորվաթական կղզիների 85 տոկոսը, եւ դրանք նախատեսված չեն վաճառքի համար, հաղորդել Է ՏԱՍՍ-ը: