«Սասնա ծռեր» խմբի աջակիցների բողոքի ակցիան «Դատապարտյալների հիվանդանոցի» մոտ ավարտվեց (ուղիղ միացում)

20:10

«Սասնա ծռեր» խմբի աջակիցների բողոքի ակցիան «Դատապարտյալների հիվանդանոցի» մոտ ավարտվեց: «Սասնա ծռերի» աջակիցները վաղը՝ օգոստոսի 24-ին, կրկին կհավաքվեն նույն տեղում՝ հասկանալու՝ արդյոք պատշաճ բուժօգնություն է տրամադրվում «Սասնա ծռեր» խմբի անդամ Հովհաննես Հարությունյանին և մյուս անդամներին:

18:40

«Սասնա ծռեր» խմբի աջակիցները ՄԻՊ գրասենյակից մոտից երթով շարժվելով հասան «Դատապարտյալների հիվանդանոցի» մոտ:

Երթի մասնակիցները պահանջում են, որ «Դատապարտյալների հիվանդանոցում» գտնվող «Սասնա ծռերի» վիրավոր անդամներին պատշաճ բուժօգնություն տրամադրվի: Մասնավորապես, «Սասնա ծռերից» Հովհաննես Հարությունյանի պաշտպան Հայարփի Սարգսյանը նշել է, որ իր պաշտպանյալը արդեն մի քանի օր է՝ չի կարողանում շարժել ոտքը, սակայն նրան պատշաճ բուժօգնություն չի ցուցաբերվում:

Նշենք, որ «Սասնա ծռերից» Պավլիկ և Արամ Մանուկյանների փաստաբան Ինեսա Պետրոսյանը նախօրեին հայտարարել էր, որ «Դատապարտյալների հիվանդանոցում» հանվել է «Էրեբունի» ԲԿ-ի բուժակի կողմից շուրջօրյա հերթապահությունը, ինչը նրանց իրավունքների խախտում է:

Այս պահին «Դատապարտյալների հիվանդանոցի» շենք տանող ճանապարհին ոստիկանական պատնեշ է և երթի մասնակիցներին թույլ չեն տալիս մոտենալ «Դատապարտյալների հիվանդանոցի» շենքին:

Ուղիղ միացումը՝ Ազատություն ռ/կ-ի