Ադրբեջանի ԱԳՆ-ի ասածները որևէ մեկնաբանության կարիք չունեն. ասում են այն, ինչն իրենց ձեռնտու է. Շավարշ Քոչարյան
Արտաքին Քաղաքական
ՀՀ արտաքին գործերի նախարարի տեղակալ Շավարշ Քոչարյանը գտնում է, որ Ադրբեջանի արտաքին գործերի նախարարության հայտարարությունները մեկնաբանության կարիք չունեն:
Անդրադառնալով Ադրբեջանի արտաքին գործերի նախարար Էլմար Մամեդյարովի հայտարարությանը, թե բանակցություններն ընթանում են ճիշտ ուղիով, Շավարշ Քոչարյանը կառավարության նիստից հետո լրագրողների հետ զրույցում ասաց.
«Միթե ձեզ համար ակնհայտ չէ՞, որ քսան տարի իրենց ասածները որևէ մեկնաբանության կարիք չունեն: Իրենք ասում են այն, ինչն իրենց ձեռնտու է, մի բան է խոսվում բանակցային սեղանի շուրջ, այլ բան՝ այլ տեղ, դրա համար մեկնաբանելու կարիք չկա: Ոչ թե պետք է մեկնաբանել, այլ սեփական գիծն առաջ տանել»:
Քոչարյանն ընդգծեց, որ նախագահների պետե րբուրգյան հանդիպումը շարունակությունն էր Վիեննայի հանդիպման, որոնց ընթացքում ընդգծվել է՝ քանի դեռ շփման գծում կան սադրանքներ, կրակոցներ, բանակցային գործընթացը չի կարող առաջ ընթանալ: «Այդ ուղղությամբ չենք տեսնում արդյունք, իսկ արդյունք կլինի այն, որ իրոք համապատասխան մեխանիզմներ ներդրվեն, ընդլայնվի մոնիթորինգային խմբի կարողությունները և վերջ դրվի սադրանքներին»,- նկատեց ՀՀ փոխարտգործնախարարը:
ՈՒՂԻՂ ԵԹԵՐ
Ամենադիտված 
Դերասանին մեղադրում են մանկապղծության մեջ․ նա ձերբակալվել է
